Drabeelna.com يستحق التجربه

اليوم وصلني برودكاست حلوو و غريب حبيت أشارككم فيه ..

درابيل شغل بيت بنكهات يديدة  (زعتر - زعفران - نخالة - دارسين - كاكاو - زنجبيل )

عندهم درابيل الحجم العادي و الميني

للطلب رقمهم موجود بالصورة واضح

Life With Cacao

طبعا هالكافيه ماعليه كلام و غني عالتعريف ..

بس الشي الزين يفرض علينا ان نكتب عنه ...

الصرااحه شي لذيييذ جدااااااا

الصور تتكلم عن نفسهاااا

كافيه لاتيه

قهوة تركية

Chocolate Sandwitch

Berry Waffle

كله كله كاااااان لذيييذ ...

طبعا مكانهم في مجمع 360

The Spice Club

اليوم تجربتنا كانت في مطعم هندي مبطل من زمان بس ماجربته من قبل ....

المطعم اسمه  The Spie Club  رحنا له عالغدا ..

أترككم مع الصور

السلطه و المقبلات الهندية

برياني خضار

تشيكن بتر

مشاوي مشكله بس نسيت أصوره أول مايابوه :(

خبز نان بالجبن و الزبدة 

الأكل كان لذيذ

مكانهم : مجمع 360  خلف مطعم زهر الليمون

Planet Hollywood

من يومين كانت لي أول زيارة لمطعم Planet Hollywood  في الكويت .. و لكن سبق ان جربته في خارج الكويت ...

رحنا للعشا .. و كان طلبنا

ناتشوز بالدجاج ... ما كان وااااو بس زين

برجر .. كللش مو حلوة

فاهيتا دجاج يعني مو ذاك

الصراحه الأكل كان حييل ثقييل و ما حبيته  ...

مكانهم : مجمع أولمبيا - السرداب

المجمع حيييل هادي

Graham & Tory Burch Bracelets

New Collection of Graham & Tory Burch Bracelets is available now.

Graham Bracelets:

Purple = 24 KD

Grape = 24 KD

Neon Pink = 22KD

Neon Orange = 22KD

: Tory Burch bracelets

Red = 37 KD

Green = 37 KD



for order: WhatsApp: 50679986

حليب خانة ... يستحق التجربة

اليوم كان عندي مشوار لمجمع الثريا ... عقب ماخلصت حبيت  اقعد في كافيه
(حليب خانه).... الجو كان وايد دافي وحلو.

المكان اكو قعده بره عالشارع تصير مقابل مجمع شاهه واكو قعده داخل صغيره بس شرحه واكو وحده ثالثه تصير داخل مجمع الوطنية... صراحه ماحبيتها مقموته.

اترككم مع الصور .. وانصحكم يبيله روحة صبح .. وطلبوا حليب بالهيل والزعفران عجيب.

هذي المنيو ..

هنيه أحجام الأكواب اذا تبين صغير او كبير ..

عجبتني الاضاءه روووعه...

حاطين لكم قرص عقيلي ودرابيل لزوم التغمس ..

 هذي المنيو للمشربات الباردة حلاته بالصيف حدهم يشوقون..

عندهم نوعين كاكاو واحد ساده والثاني باللوز ... جربت اللي باللوز صراحه كان طعمه عادي .

من كثر اعجابي بالاضاءة قبل لا اطلع خذيتلكم لقطه ثانية من زاوية مختلفة...

حليب خانه مكانهم : السالمية مجمع الوطنية مقابل مجمع شاهه.

Nail co...New Branch in Rawdah

اليوم كان عندي موعد في Nail co فرع الروضه ... الفرع يديد ماكمل الشهر من فتح.. 

وصلت الجمعية وصعدت فوق أدور أدور... ماكو شي ... مسكت لي واحد من الهنود اللي يشتغلون بالجمعية .. سألته وين صاير الصالون؟؟

المفاجأه ان الصالون طلع بقسم المكياج والعطور أخر شي بممر .. لايمكن يخطر على بالكم هالمكان أبد ...

المكان صغير بس مرتب ... يشيل 3 كراسي بس .. من جذيه لازم تحجزون قبل لاتروحون.

وصلت عالموعد الساعه 2 الظهر.

سألوني شنو أشرب ؟
 طلبت كابتشينو ويابولي معاه كب كيك وموالح صغيره... الكب كيك مالتهم حبيتها لذيذه

احترت شنو اتصبغ ...

واخيرا استقريت على هاللونين.

شغلهم حلو وتحسين باسترخاء ... تقريبا نمت عندهم

عجبني ويبيلهم زيارة ثانية...

رقمهم: 99550793

معرض مركز سلطان

أمس وانا رايحه مركز سلطان في سوق شرق أشتري شوية أغراض ....  تذكرت ان فيه معرض فوق بالميزانين ... قلت خليني اطل عليهم أشوف شغلهم .

الصراحه المكان حلو ومرتب ... أتوقع أول مره يسوون مثل هالمعارض هناك

كان فيه عدد من المشاركين بأنواع مختلفة من البضايع .. بس طبعا الأكل كان اهو الطاغي على الباجي.

اترككم مع بعض الصور...

صراحة حركة حلوه من مركز سلطان استغلال المساحة اللي بالميزانين لأنها شبه فاضيه من سنين .